تخربيشات

بلادي غريبة في عالم غريب صاحبي ما تفهم شيء شبعة اكاذيب نسمع فيها لين فهتها توا بلادي موش عارف كيفاه ماشية، كيفاه جاية كلها بقدرة ربي ناس عايشة فيها و ناس موش عايشين اما قاعدين يونسوا في العايشين فيها ما فماش فلوس ما فماش بترول ما فماش صناعة ما فماش تجارة ما فماش امن اما فما فقر و ميزيريا و ارهاب و فوضى حتى الخبز و الماء ساعات فما و ساعات لا بلاد الكذبة الكبيرة البلاد المحرومة . المتاكلة و المذمومة و الحقوق فيها مهضومة ما تجيش مع فلان تولي تابع فلتان تسب فلتان تولي تابع فلان تسب فلان و فلتان تولي تولي مذموم شعب عريان ڨريان جيعان و زيد مقهور و مظلوم و الي يخرج من قرطاسو يطيرولوا راسو ا ا ا اه شباب شطروا حرق و شطرو لاخر يخمم في الحرقة و الي ظلامة في عينو يحرق روحو بلاد عايشة على الكريديات و الي يتغشش يطالب بالفليسات و الي يشدها يلعب على الحنينات هذا كان مازال فما شوية بياسات بلاد التررني عايشين فيها بالتمني ينعمبو الوقت و برا و كيما قال فيلسوفنا العظيم "بناء المسقبل لا يكون بغمرة وعربدة الضوضاء و تشنج الهويات الشخصية...