تخربيشات

نحبها نحب نكلمها كل يوم نحب نسمعها صوتي كل يوم نحب نكتبلها و تقرالي نحب نحكيلها و نفرغ قلبي على صدرها نحبها تسمعني كي نشكي و نبكي كي نفرح و نزهى نحبها تسمعني كي ننصحها و الثنية الباهية نوريها نحب نلقاها كي تطيح بيا تشدني من يدي و تقيمني تمسحلي دمعتي و ترضيني تاقف معايا و تعاوني نحب و نحب و نحب اما الحقيقة موش كيما نحب ********************* في الحقيقة قبل كانت مع واحد قالتلي عليه باهي و متفتح و ناس ملاح عاونها و خرجها من مشكلة كبيرة صارتلها عندها سنين جاها و لقفها في طمبك المشاكل و عاونها بش تقوم من اول و جديد (هذا شنوة قالتلي ...) LOVE طاحت فيه المنقذ مالا وينك الاعوام لولانين تعداو عسل في عسل حب و وئام و وفاق عاطي ماعندو السيد و ظهرلها الي هي الكل في الكل ما يمشي كان رايها و ما يسمع كان كلامها ارادتها هي الكل ما تعداوش برشا اعوام و السيد تقلب و ظهر على حقيقتو وجه السوق تنحى و ظهر وجهو الحقيقي السيد ولا كل يوم يظرب فيها و شهريتها ياخذلها فيها ولى حاطط ساق على ساق و يأمر فيها و بالسيف عليها ولات تتسلف و تتداين بش ...

بالرغم من غضبنا الدائم من السلطة الحاكمة, و عدم ثقتنا في الناس الي وعدتنا اكثر من مرة و كالعادة اخلفت بوعدها بالرغم من كل هذا, الجانب الذي يسمي نفسه ثوري فيه مصائب, فيه كوارث, سواء على مستوى النخب او على مستوى الشارع منهم الذي اغرقنا بغبائه و حماسه الغير مخطط له, و منهم الذي يصيح و يكسر و حشمنا على رواحنا و الجانبان الناحية الحاكمة والناحية الغير حاكمة تسببوا انو الناس تكفر بحاجة اسمها ثورة مالاخر الناس تحب تشعل النار فينا و فيهم و في كل شيء الناس فقدت الثقة في كل حد وفي كل شيء الناس ولات تقول: المظاهرات معادش كيما الاول و لا الثورة كيما الاول و لا البلاد كيما الاول قبل الثورة كنا ماشين لمصيبة، لكابوس، لكارثة.. اما على نار هادئة.. من 3 سنين ولى فما حلم الي خرجنا ماكابوس هذا لكن الحلم تقلب كابوس مرة اخرى و عندنا 3 سنين نرقدوا و نقوموا على نفس الكابوس نحبوا نفيقوا مالكابوس اما ربي يستر نفيقوا مالكابوس نلقاو رواحنا في كارثة... ..