حرق روحو..

...حرق روحو أي حرق روحو

...تسكرت في وجهو البيبان

...وقفت الزنقة للهارب

...استحمل، صبر، قاوم، حاول

...شئ ماعادش فيها وين

...مسكين كان عندو أمل

...مسكين كان ماشي فيبالو ثورة

هههههه

...جدت عليه الحكاية

....خدمة و فلوس وعيشة كريمة 

 ...هذاكا حد مخو زوالي

 ...بين ليلة و نهار

...كل شيء طاح في الماء

..."قالوا ناس بكري "لا خدمة لا قدمة لا فتيلة حبل

... شاف ناس تعبي و تزيد تعبي

 ...ناس عبات و مشات و ناس قاعدة تعبي و ماشية

...و هو .. هو الفقر و الجوع و الميزيرية

رقد قام ظلامو عينيه، شنية الحل ؟؟

....خزر لروحو و قال: أنا ما خمم فيا حد... خاطرني زوالي و جيعان و مانيش لا إسلامي لا حداثي

...هو عايش ميت 

...عاد يحرق روحو و يرتاح

شعب تونس يحرق في روحو يا رئيس يا حقوقي و يا حزب الناس الي تعرف ربي و معارضة الحداثة و ... حقوق الإنسان 

!زعمة وصلت الرسالة ؟؟

 ...ما نتصورش.. الانتخابات مازال وقتها

[م.ب]