تخربيشات

... الدنيا تدور ... نهار الفوق نهار لوطة ... نهار تحل معاك و نهار تتسكر ... أما هذيكا الدنيا ... ساعات نقول هذيكا حلاوتها ... اما كي تتوجع منها تقول ينعمبوها ... ماخيب هكا الوجيعة الي تجيك من حيث لا تدري ... الي تخليك خايف و مفجوع و مصدوم و مقهور ... مخيب الاحساس بالعجز قدامها ... ما تلقى ما تعمل و ما تقول كان قدر الله و ما شاء فعل ... تهز يدك لربي و تدعي يسميوه أضعف الإيمان أما هو أقوى الإيمان ... أما ما احلاها الدنيا وقتلي كي تغدرك و تطيحك ... تبعثلك شكون ياقف معاك ... و يقيمك وقتلي تطيح ... يمسحلك دمعتك كي تهبط ... و يقلك ما تخافش أنا معاك ... انا موجود بجنبك و تنجم تتكى عليا و ترمي حمل الدنيا ... الدنيا بخايبها الكل مزيانة بالناس الباهين الي فيها ... هذاكا راس مالنا منها ...ربي يخليهم [م.ب]

نحكيوا على بلاد رئيسها مهبول و شعبها بهلول بلاد كانت عايشة تحت دكتاتور و شعبها مقهور بلاد تهزت و تنفضت و صاحت و عيطت و خاضت وفات الخوضة و مشى الدكتاتور الشعب فرح و رقص و غنى مشات ايامات الذل و جانا العز مشات ايامات الفقر و جانا الخير مشات ايامات الكبة و جانا الفرج تعدات ايامات و ليالي و الشعب يحكي و يعبر و يفرغ في شكارة سنين بدا الشعب يبرمج للمستقبل و يحلم من حقو يحلم و هو الحلم كان ممنوع بدات الكذابة تهبط و كل واحد يوعد و يمني في الشعب معايا تنساو الفقر معايا تنساو البطالة معايا حقوقكم مضمونة معايا كرامتكم اولويتي معايا و معايا .... كلام مزيان غر الشعب و صدقوا... موش مشكل جاء النهار الموعود و شد الشعب الصف و الناس فرحانة موش فرحانة كهو ميتين بالفرحة ولابسين أحسن ما فما كان نهار عيد و الشعب سعيد كل واحد اختار الي حب و كل واحد تمنى الي يحب خرجت النتيجة و تكونت الحكومة و حطوا الرئيس و بدا الضرب عاليمين و عاليسار حكومة تعمل فليتحب و معارضة تعارض كيما تحب كل واحد يضرب على مصالحو و الي انتخب ما خ...

...احتلت ارضنا ...احتلت فلسطيننا ...فكانت نكبتنا ...مضى عليها اكثر من ستين عاما و كنتم في كل عام تحيون الذكرى ...و تبكون الماضي سقطت بغدادنا فزادت نكبتنا و من يومها و انتم تحيون الذكرى و في كل نكبة ..تبكون الماضي ...ارضنا تتقسم ...تتفتت ...تتساقط جزءا جزءا نكبتنا في كل يوم اكبر و جرحنا في كل يوم اعمق افلا تتعضون ؟؟ عدوكم يدك آخر الحصون دمشق عروس عروبتنا الباقي و انتم تمارسون هوايتكم فرجة و صمت و شجب و استنكار ثم ستحيون الذكرى و تبكون الماضي ..ككل مرة افلا تتعضون ؟؟ نكبتكم ليست نكبتي .. نكبتكم عندما انهزمت الجيوش و هي تقاتل و تقاوم ... اما نكبتي فهي صمتكم و ذلكم و سلامكم و خنوعكم و جهلكم و غبائكم نكبتي ليست دما سال و لكنها دم يسيل اليوم و غدا و كل يوم ...افلا تتعضون ؟؟ :علمنا رجل حكيم ان علاقتي بمن اغتصب ارضي هي ...لا صلح، لا اعتراف ، لا تفاوض عندما تأمنون بهذا ...و تكفون عن البكاء على ماض ولى ربما ستلتحقون برجال لم يبكوا و لم يحيوا الذكرى ...رجال قاوموا و قاتلوا و استشهدوا : رجال قال عنهم ال...

وقتلي صار الي صار ... و خرج الشعب و ثار و صاح و عيط و دافع على حقو ... وقتلي قال لا .. و عرا سدروا للكرتوش ... وقتلي الشعب يد وحدة و واقف مع بعضو في الخير و الشر ... حلمت حلمة ... حلمة بمستقبل مزيان و شعب فرحان ... حلمت بخير يعم و شعب ناسي الهم ... حلمت بدولة الكرامة و الي يحكمها يحفض الامانة ... حلمت بالشهيد يضحك في جنتو و يقول تضحيتي ما مشاتش خسارة... حلمت و حلمت و حلمت ... في ليلة و نهار فقت مالحلم ... فقت و تصدمت بالواقع المر "ما يندبلك كان ضفرك و ما يبكيلك كان شفرك " يا شعبي ... سلمت امانتك و رقبتك لناس همها كان الفلوس ... كلاولك دنيك و قاعدين يتصحروا بآخرتك ... نساو دمك الي سال و نساو صوتك الي صاح و نساو الغاز الي شميتو و الظرب الي كليتو نساو كل شيء في سبيل حتى شيء ... نساو الي " الأيام نداولها بين الناس" و "لو دامت لغيرك لما آلت اليك" ... و انت يا شعبي .. وين مشيت ؟؟ موش كنت يد وحدة ؟؟ موش كان الجار لجارو و الصاحب لصاحبو و الخو لخوه ؟؟ شبيك نسيت هذا الكل ؟ شبيك تفرقت و تشتت ؟. شبي...