نحكيوا على بلاد
نحكيوا على بلاد
رئيسها مهبول
و شعبها بهلول
بلاد كانت عايشة تحت دكتاتور
و شعبها مقهور
بلاد تهزت و تنفضت
و صاحت و عيطت
و خاضت
وفات الخوضة و مشى الدكتاتور
الشعب فرح و رقص و غنى
مشات ايامات الذل
و جانا العز
مشات ايامات الفقر
و جانا الخير
مشات ايامات الكبة
و جانا الفرج
تعدات ايامات و ليالي
و الشعب يحكي و يعبر
و يفرغ في شكارة سنين
بدا الشعب يبرمج للمستقبل
و يحلم
من حقو يحلم و هو الحلم كان ممنوع
بدات الكذابة تهبط
و كل واحد يوعد و يمني في الشعب
معايا تنساو الفقر
معايا تنساو البطالة
معايا حقوقكم مضمونة
معايا كرامتكم اولويتي
معايا و معايا ....
كلام مزيان غر الشعب و صدقوا...
موش مشكل
جاء النهار الموعود
و شد الشعب الصف
و الناس فرحانة
موش فرحانة كهو ميتين بالفرحة
ولابسين أحسن ما فما
كان نهار عيد
و الشعب سعيد
كل واحد اختار الي حب
و كل واحد تمنى الي يحب
خرجت النتيجة
و تكونت الحكومة
و حطوا الرئيس
و بدا الضرب عاليمين و عاليسار
حكومة تعمل فليتحب
و معارضة تعارض كيما تحب
كل واحد يضرب على مصالحو
و الي انتخب ما خمم فيه حد
ما غلطش كي قلتلكم مالاول
جاو الكذابين...
الي حلموا الشعب الكل مشى
و ولات امنيتو يرجع كيما كان
يخلط عالخبزة
و ينجم يطيب عجة
شعب تعب
شعب فد
الي يسخايلو نوارة يطلعلو شوكة
شعب ولا عريان قريان جيعان
و ما خمم فيه حد
و فوق هذا كفروه و مرمدوه و قتلوه ...
تي شنية العيشة هذي ؟؟
ما دامك مازلت ساكت
تستاهل
الي عملها بءايديه العصا ليه
و إلا كيما نقولوها بلوغتنا السمحة : الي جابها لز** الله لا تفكو
مادامكم مازلت ساكت يا شعب
هذاكا علاه قلت مالاول
نحكيوا على بلاد
رئيسها مهبول
و شعبها بهلول
....
[م.ب]
Commentaires
Enregistrer un commentaire