لقد استوفيتم كل رصيدكم ..

اكا الطفل الي فيا مات
مهران الي قتلي البارح عندي برشا ماريتوش
و يلزمو يرجع ..
مات ..
كفنتو و دفنتو و قريت عليه الفاتحة ..
كي نتفكرو نتوحشو ..
عندو مدة ولى انسان اخر..
بنية آيلة للسقوط ..
حطام، ركام ..
ماعادش فيها حتى امل تعاود تتبنى ..
تستنى في البلدية تطيح الكل ..
أما صعيب كان تنجم تبني حاجة ..
خاطر حتى الارض تعبت من هزان الرزن ..
ماعادش قادرة انها تتحفر من جديد ..
و تتحط فيها سيسان جدد ..
ياحسرة كي كان الطفل الصغير يحلم ..
يا حسرة كي كان يقوم بعد كل طيحة ..
و يقول نطيح و نقوم و العيشة الحلوة تدوم ..
الي كان يخزر السماء و يسرح بافكارو و يطير و يجنح باحلامو ..
ليوم فرغ ..
خوخ ..
شقف فارغ ..
صندوق مزيان قدام الناس ..
أما من داخل ..
لقد استوفيتم كل رصيدكم .. و لا امل في إعادة شحنه ..
...